01وش نجمع
- إيميلك واسمك: عشان تدخل المنصة وتوصلك رسائل الدورة. ولو سوّيت كلمة مرور، تنحفظ مشفّرة وما أحد يقدر يقراها، حتى احنا.
- رقم جوالك ورقم طلبك: توصلنا من متجر خُلاصة على سلة لما تشتري، عشان نفتح لك الدورة، ونستخدمها في «فعّل اشتراكك» لو طلبك ما فيه إيميل.
- تقدمك: الدروس اللي خلصتها، ووين وقفت في الفيديو، وإجاباتك على الأسئلة اللي داخل الدروس، وإنجازاتك.
- اللي تكتبه أنت: ملاحظاتك على الدروس، وتقييمك لها، وأسئلتك للمساعد في الدرس لو سألته.
- متصفحاتك: الحساب يدخل من عدد محدود من المتصفحات، فنحفظ رقم عشوائي في ملف صغير بمتصفحك نعرف منه إنه نفس المتصفح.
- زياراتك: الصفحات اللي تفتحها ومدة بقائك فيها ومن وين جيت، وعنوان الإنترنت حقك ينحفظ مشفّر ما ينقرا.
02ملفات الارتباط (الكوكيز)
- الضرورية: جلسة الدخول، ورقم المتصفح، واختياراتك في الموقع. بدونها ما تقدر تدخل حسابك.
- عدّ الزيارات: يشتغل من أول ما تفتح الموقع. لو اخترت «بس الضرورية» في رسالة الكوكيز، يوقف على طول ونحذف اللي انحسب من متصفحك.
03وش ما نجمع
بيانات بطاقتك أو حسابك البنكي ما توصلنا أبد. الدفع كله يصير داخل سلة.
04ليش نستخدمها
- نفتح لك الدورة اللي اشتريتها، وندخلك حسابك.
- نحفظ تقدمك في الدروس، عشان تكمل من وين وقفت.
- نرسل لك رسائل الخدمة، مثل كود الدخول وإن دورتك جاهزة.
- نحمي حسابك من المشاركة والدخول الغريب.
- نعرف وش يفيد الطلاب في الموقع والدروس، ونحسّن الدورة.
- ولو أرسلنا لك أخبار الدورات بالإيميل، في كل رسالة رابط توقفها منه.
05مع مين نشاركها
ما نبيع بياناتك ولا نعطيها لأحد يعلن لك. نشاركها بس مع الشركات اللي تشغّل المنصة، وكل وحدة تاخذ اللي تحتاجه:
- Cloudflare: توصّل الموقع وتحميه، ومنها التحقق إنك مو روبوت.
- Bunny: تشغيل فيديوهات الدروس.
- Resend: إرسال الإيميلات.
- Google: الدخول بحساب قوقل لو اخترته، والمساعد في الدرس (Gemini) لو سألته: يوصله سؤالك ونص الدرس عشان يرد عليك.
- سلة: المتجر والدفع والطلبات.
06وين تنحفظ بياناتكنص مؤقت
في قاعدة بيانات على خادم خاص بخُلاصة. مكان الخادم نكتبه هنا أول ما يجهز.
07حقوقك
تقدر تطلب نسخة من بياناتك، أو تصحيحها، أو حذف حسابك. راسلنا وننفّذ طلبك.
08التواصل
تواصل معنا على واتساب أو الإيميل، ونرد عليك بأقرب وقت.